Gary Moore

Gary Moore
Vida
Nacimientu	Belfast[1], 4 d'abril de 1952[2]
Nacionalidá	Reinu Xuníu
Muerte	Estepona[3], 6 de febreru de 2011[4] (58 años)
Sepultura	St Margaret's Church (en) [5]
Causa de la muerte	infartu de miocardiu
Estudios
Estudios	Ashfield Boys' High School (en)
Llingües falaes	inglés[6]
Oficiu	guitarrista, compositor de cantares, productor musical, cantante, artista d'estudiu
Altor	1,84 m
Miembru de	Thin Lizzy Skid Row (es) Colosseum II
Xéneru artísticu	rock blues rock hard rock heavy metal tradicional jazz fusión (es) blues
Mena de voz	Barítonu
Instrumentu musical	guitarra Gibson Flying V Fender Stratocaster Jackson Soloist voz
Discográfica	Virgin Records
IMDb	nm0601229
gary-moore.com

Robert William Gary Moore (4 d'abril de 1952, Belfast – 6 de febreru de 2011, Estepona) foi un músicu, compositor y productor norirlandés de blues rock y hard rock, conocíu mundialmente por ser guitarrista líder en bandes como Thin Lizzy, Colosseum II y Skid Row y pola so estensa carrera en solitariu como vocalista amás.

Empecipió la so carrera musical a los dieciséis años na banda irlandesa Skid Row, onde conoció al so gran amigu Phil Lynott líder de Thin Lizzy, banda na que participó nos discos Nightlife y Black Rose: A Rock Legend. A finales de la década de los setenta tomó en serio la so carrera como solista, cola publicación de dellos discos basaos nel blues rock, el hard rock y el heavy metal. Nos años ochenta y gracies a los álbumes Victims of the Future, Run for Cover, Wild Frontier y After the War algamó la reconocencia mundial, llogrando bones resultaos nes llistes musicales como tamién en ventes.

Nos años noventa dedicóse cientu per cientu al blues y n'especial al blues rock, que con discos como Still Got the Blues y After Hours dexáron-y compartir con artistes como B.B. King, Albert Collins, George Harrison y Albert King, ente otros. Nel posterior deceniu decidió entemecer les sos influencies, dando pasu a álbumes que fluctuaron ente'l hard rock y el blues rock.

Gary amás foi conocíu por ser unu de los guitarristes más solicitaos pa trabayar en discos d'otros artistes como Greg Lake, Cozy Powell, John Mayall, Mick Jagger y Jack Bruce, ente munchos otros y tamién foi unu de los primeros músicos n'entemecer el rock cola música celta.

Tres más de cuarenta años dientro de la escena musical, finó d'un ataque al corazón mientres dormía nun hotel de la ciudá española d'Estepona nel añu 2011.

1. ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
3. ↑ Afirmao en: Gemeinsame Normdatei. Identificador GND: 119065517. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
4. ↑ URL de la referencia: http://www.bbc.co.uk/news/uk-northern-ireland-12391305.
5. ↑ URL de la referencia: https://fr.findagrave.com/memorial/65319781/gary-moore.
6. ↑ Identificador CONOR.SI: 17088867. Afirmao en: CONOR.SI.